jo yar ka mansha hai shayan-e-itaat hai

jo yaar kā manshā hai shāyān-e-itā.at hai

apnā yahī maz.hab hai apnī yahī millat hai

allāh meñ bande meñ tamīz hī nisbat hai

samjho to yahī duurī duurī nahīñ qurbat hai

matlūb ho yā tālib tafrīq kī sūrat hai

is farq kā uThnā hī takmīl-e-mohabbat hai

donoñ meñ barābar kā ehsās-e-mohabbat hai

jo ishq kī sūrat hai vo husn kī sūrat hai

un se mujhe nisbat hai mujh se unheñ nisbat hai

qurbān mohabbat ke kyā shān-e-mohabbat hai

barbād jo hotā hai bantā hai vahī 'kāmil'

har be-sar-o-sāmānī sāmān-e-mohabbat hai

jo yar ka mansha hai shayan-e-itaat hai

apna yahi mazhab hai apni yahi millat hai

allah mein bande mein tamiz hi nisbat hai

samjho to yahi duri duri nahin qurbat hai

matlub ho ya talib tafriq ki surat hai

is farq ka uThna hi takmil-e-mohabbat hai

donon mein barabar ka ehsas-e-mohabbat hai

jo ishq ki surat hai wo husn ki surat hai

un se mujhe nisbat hai mujh se unhen nisbat hai

qurban mohabbat ke kya shan-e-mohabbat hai

barbaad jo hota hai banta hai wahi 'kaamil'

har be-sar-o-samani saman-e-mohabbat hai