kaun yañ bāzār-e-ḳhūbī meñ tirā ham-sañg hai

kaun yaañ bāzār-e-ḳhūbī meñ tirā ham-sañg hai

husn ke mīzāñ meñ tere mahr-o-mah pasañg hai

maiñ vo huuñ dīvāna-e-sarḳhīl-e-arbāb-e-junūñ

haath meñ patthar liye har tifl mere sañg hai

jā-e-takiya āshiq-e-be-ḳhānumāñ ko vaqt-e-ḳhvāb

zer-e-sar kūche meñ tere ḳhisht hai pasañg hai

is javāhar-posh ke dekhe haiñ vo yāqūt-e-lab

jis kī rañgīnī ke aage la.al bhī ik sañg hai

surma.ī āñkhoñ kā tere jo koī bīmār ho

ek miil us ke ta.iiñ rakhnā qadam farsañg hai

jal gayā tanhā na koh-e-tūr hī parvāna-vār

aag tere ishq kī sham-e-dil-e-har-sañg hai

saḳht-jānī merī aur zālim tire sañgīñ-dilī

aah misl-e-āsiyā ye sañg uupar sañg hai

baap kā hai faḳhr vo beTā ki rakhtā ho kamāl

dekh ā.īne ko farzand-e-rashīd-e-sañg hai

sar mirā tere qadam ke saath yuuñ hai pesh-rau

Thokaroñ meñ jis tarah se rah-guzar kā sañg hai

e'tiqād-e-momin-o-kāfir hai rahbar varna phir

kuchh nahīñ dair-o-haram meñ ḳhaak hai pasañg hai

ye sdā ghar ghar kare hai āsiyā phir phir mudām

musht-e-gandum ke liye chhānī ke upar sañg hai

shaiḳh kī masjid se ai 'bedār' kyā hai tujh ko kaam

sajda-gah apnā sanam ke āstāñ kā sañg hai

kaun yañ bāzār-e-ḳhūbī meñ tirā ham-sañg hai

husn ke mīzāñ meñ tere mahr-o-mah pasañg hai

maiñ wo huñ dīwāna-e-sarḳhīl-e-arbāb-e-junūñ

hath meñ patthar liye har tifl mere sañg hai

jā-e-takiya āshiq-e-be-ḳhānumāñ ko waqt-e-ḳhwāb

zer-e-sar kūche meñ tere ḳhisht hai pasañg hai

is jawāhar-posh ke dekhe haiñ wo yāqūt-e-lab

jis kī rañgīnī ke aage lal bhī ek sañg hai

surmaī āñkhoñ kā tere jo koī bīmār ho

ek mil us ke taiñ rakhnā qadam farsañg hai

jal gayā tanhā na koh-e-tūr hī parwāna-wār

aag tere ishq kī sham-e-dil-e-har-sañg hai

saḳht-jānī merī aur zālim tere sañgīñ-dilī

aah misl-e-āsiyā ye sañg upar sañg hai

bap kā hai faḳhr wo beTā ki rakhtā ho kamāl

dekh āīne ko farzand-e-rashīd-e-sañg hai

sar mirā tere qadam ke sath yuñ hai pesh-rau

Thokaroñ meñ jis tarah se rah-guzar kā sañg hai

e'tiqād-e-momin-o-kāfir hai rahbar warna phir

kuchh nahīñ dair-o-haram meñ ḳhak hai pasañg hai

ye sdā ghar ghar kare hai āsiyā phir phir mudām

musht-e-gandum ke liye chhānī ke upar sañg hai

shaiḳh kī masjid se ai 'bedār' kyā hai tujh ko kaam

sajda-gah apnā sanam ke āstāñ kā sañg hai