dil-e-nadan tujhe aazar hua KHub hua

dil-e-nādāñ tujhe āzār huā ḳhuub huā

dām-e-gesū meñ giraftār huā ḳhuub huā

ye sazā hai dil-e-nādāñ ki na maanā kahnā

nargisīñ chashm kā bīmār huā ḳhuub huā

ek kāfir kī mohabbat ne bhulāyā sab ko

badle tasbīh ke zunnār huā ḳhuub huā

nāsehā mujh se tujhe koī sarokār nahīñ

maiñ jo rusvā sar-e-bāzār huā ḳhuub huā

roz ke jhagḌe se tujhe koī sarokār nahīñ

maiñ jo rusvā sar-e-bāzār huā ḳhuub huā

roz ke jhagḌe se ham ne bhī farāġhat paa.ī

us ko milne se jo inkār huā ḳhuub huā

baar minnat ke mire kaun uThātā sar par

vo na apnā kabhī ġham-ḳhvār huā ḳhuub huā

ḳhauf mahshar kā nahīñ kuchh bhī mire dil meñ 'ḳhalīl'

rahnumā haidar-e-karrār huā kHuub huā

dil-e-nadan tujhe aazar hua KHub hua

dam-e-gesu mein giraftar hua KHub hua

ye saza hai dil-e-nadan ki na mana kahna

nargisin chashm ka bimar hua KHub hua

ek kafir ki mohabbat ne bhulaya sab ko

badle tasbih ke zunnar hua KHub hua

naseha mujh se tujhe koi sarokar nahin

main jo ruswa sar-e-bazar hua KHub hua

roz ke jhagDe se tujhe koi sarokar nahin

main jo ruswa sar-e-bazar hua KHub hua

roz ke jhagDe se hum ne bhi faraghat pai

us ko milne se jo inkar hua KHub hua

bar minnat ke mere kaun uThata sar par

wo na apna kabhi gham-KHwar hua KHub hua

KHauf mahshar ka nahin kuchh bhi mere dil mein 'KHalil'

rahnuma haidar-e-karrar hua kHub hua