kis tarah dil ko lubhaya yar ne

kis tarah dil ko lubhāyā yaar ne

dair-o-ka.aba ko bhulāyā yaar ne

momin-o-kāfir yahūd-o-bad-yaqīñ

sab meñ rañg apnā dikhāyā yaar ne

huuñ maiñ kāfir gar use samjhūñ judā

nahnu-aqrab kyuuñ sunāyā yaar ne

kyā samajhte ho nafaḳhto fiih ko

ye nishāñ apnā batāyā yaar ne

yaar ke qurbān jā.ūñ maiñ 'ḳhalīl'

yaar mujh ko ḳhud banāyā yaar ne

kis tarah dil ko lubhaya yar ne

dair-o-kaba ko bhulaya yar ne

momin-o-kafir yahud-o-bad-yaqin

sab mein rang apna dikhaya yar ne

hun main kafir gar use samjhun juda

nahnu-aqrab kyun sunaya yar ne

kya samajhte ho nafaKHto fih ko

ye nishan apna bataya yar ne

yar ke qurban jaun main 'KHalil'

yar mujh ko KHud banaya yar ne