ji na uThun kahin phir main jo tu mare daman

jī na uThūñ kahīñ phir maiñ jo tū maare dāman

jhaaḌ mat ḳhaak pe mere ye ġhubār-e-dāman

dāman-e-dasht hai pur-lālā-o-gul se yā-rab

ḳhūn-e-āshiq bhī kahīñ hove bahār-e-dāman

ham ki dāman se lage haiñ na kahīñ chhuT jāveñ

har ghaḌī khīñch na be-rahm kanār-e-dāman

taar bāñdhā hai mere ashk ne yaañ tak juuñ sham.a

hai vahī tār-e-garebāñ vahī tār-e-dāman

jab vo chāhe hai ki dāman ko uThā kar chaliye

hañs ke rakhtā mirī gardan pe hai bār-e-dāman

farsh-e-rah āñkheñ to kiiñ maiñ ne pe mere mizhgāñ

ḳhār-e-pā hoveñ kiso ke na ye ḳhār-e-dāman

'dard' tū kaun hai jo gard phaTakne paave

'dard' dāman hai tirā sadqe nisār-e-dāman

ji na uThun kahin phir main jo tu mare daman

jhaD mat KHak pe mere ye ghubar-e-daman

daman-e-dasht hai pur-lala-o-gul se ya-rab

KHun-e-ashiq bhi kahin howe bahaar-e-daman

hum ki daman se lage hain na kahin chhuT jawen

har ghaDi khinch na be-rahm kanar-e-daman

tar bandha hai mere ashk ne yan tak jun shama

hai wahi tar-e-gareban wahi tar-e-daman

jab wo chahe hai ki daman ko uTha kar chaliye

hans ke rakhta meri gardan pe hai bar-e-daman

farsh-e-rah aankhen to kin main ne pe mere mizhgan

KHar-e-pa howen kiso ke na ye KHar-e-daman

'dard' tu kaun hai jo gard phaTakne pawe

'dard' daman hai tera sadqe nisar-e-daman