naza mein to hun wale tera gila karata nahin

naza.a meñ to huuñ vale terā gila karatā nahīñ

dil meñ hai vo hī vafā par jī vafā karatā nahīñ

sa.ī-e-be-jā mat karo mehr-o-vafā-o-shokH tū

jī ko in bātoñ se hargiz āshnā karatā nahīñ

kaun sī shab hai ki misl-e-sham.a jab khultī hai aañkh

jā-e-ashk āñkhoñ se apnī ḳhuuñ girā karatā nahīñ

ishva-o-nāz-o-karishma haiñ sabhī jāñ-baḳhsh lek

'dard' martā hai koī is kī davā karatā nahīñ

naza mein to hun wale tera gila karata nahin

dil mein hai wo hi wafa par ji wafa karata nahin

sai-e-be-ja mat karo mehr-o-wafa-o-shokH tu

ji ko in baaton se hargiz aashna karata nahin

kaun si shab hai ki misl-e-shama jab khulti hai aankh

ja-e-ashk aankhon se apni KHun gira karata nahin

ishwa-o-naz-o-karishma hain sabhi jaan-baKHsh lek

'dard' marta hai koi is ki dawa karata nahin