kya farq dagh-o-gul mein agar gul mein bu na ho

kyā farq dāġh-o-gul meñ agar gul meñ bū na ho

kis kaam kā vo dil hai ki jis dil meñ tū na ho

hove na haul-o-qūvat agar tere darmiyāñ

jo ham se ho sake hai so ham se kabhū na ho

jo kuchh ki ham ne kī hai tamannā milī magar

ye aarzū hī hai ki kuchh aarzū na ho

juuñ sham.a jam.a hoveñ gar ahl-e-zabāñ hazār

aapas meñ chāhiye ki kabhī guftugū na ho

juuñ subh-e-chāk siina mirā ai rafū-grāñ

yaañ to kiso ke haath se hargiz rafū na ho

ai 'dard' zañg-sūrat agar us meñ jā kare

ahl-e-safā meñ ā.īna-e-dil ko rū na ho

kya farq dagh-o-gul mein agar gul mein bu na ho

kis kaam ka wo dil hai ki jis dil mein tu na ho

howe na haul-o-quwat agar tere darmiyan

jo hum se ho sake hai so hum se kabhu na ho

jo kuchh ki hum ne ki hai tamanna mili magar

ye aarzu hi hai ki kuchh aarzu na ho

jun shama jama howen gar ahl-e-zaban hazar

aapas mein chahiye ki kabhi guftugu na ho

jun subh-e-chaak sina mera ai rafu-gran

yan to kiso ke hath se hargiz rafu na ho

ai 'dard' zang-surat agar us mein ja kare

ahl-e-safa mein aaina-e-dil ko ru na ho