qasam hai hazrat-e-dil hi ke aastane ki

qasam hai hazrat-e-dil hī ke āstāne kī

havas ho jī meñ jo dair-o-haram ke jaane kī

tarīq apne pe ik daur-e-jām chaltā hai

vagarna jo hai so gardish meñ hai zamāne kī

kyā jigar ko mere daaġh tere va.adoñ ne

ḳhabar sunī jo kahīñ maiñ kiso ke aane kī

nazar na kījiyo tū mere dil ke ḳhatroñ par

na jī meñ lā.iyo kuchh baat kyā divāne kī

jafā-o-jaur uThāne paḌe zamāne ke

havas thī jī meñ kiso naaz ke uThāne kī

tarīq-e-zikr to hai 'dard' yaad aalam ko

tirā batā.e kuchh apne ta.iiñ bhulāne kī

qasam hai hazrat-e-dil hi ke aastane ki

hawas ho ji mein jo dair-o-haram ke jaane ki

tariq apne pe ek daur-e-jam chalta hai

wagarna jo hai so gardish mein hai zamane ki

kya jigar ko mere dagh tere wadon ne

KHabar suni jo kahin main kiso ke aane ki

nazar na kijiyo tu mere dil ke KHatron par

na ji mein laiyo kuchh baat kya diwane ki

jafa-o-jaur uThane paDe zamane ke

hawas thi ji mein kiso naz ke uThane ki

tariq-e-zikr to hai 'dard' yaad aalam ko

tera batae kuchh apne tain bhulane ki