kahne ko idhar udhar gae hum

kahne ko idhar udhar ga.e ham

the terī taraf jidhar ga.e ham

muddat se haiñ justujū meñ apnī

haiñ aap se is qadar ga.e ham

tab samjhe ki kyā hai kufr-o-islām

in donoñ se jab guzar ga.e ham

ai shaiḳh burā bhalā tū kah le

karnī thī jo kuchh so kar ga.e ham

jā baiTh na bak tū ham se zāhid

kyā tujh se kaheñ kidhar ga.e ham

juz 'ishq' na samjhe kufr-o-dīñ ko

tarfain se be-ḳhabar ga.e ham

kahne ko idhar udhar gae hum

the teri taraf jidhar gae hum

muddat se hain justuju mein apni

hain aap se is qadar gae hum

tab samjhe ki kya hai kufr-o-islam

in donon se jab guzar gae hum

ai shaiKH bura bhala tu kah le

karni thi jo kuchh so kar gae hum

ja baiTh na bak tu hum se zahid

kya tujh se kahen kidhar gae hum

juz 'ishq' na samjhe kufr-o-din ko

tarfain se be-KHabar gae hum