tujhe kya kahun main kahan dekhta hun

tujhe kyā kahūñ maiñ kahāñ dekhtā huuñ

tujhe dekhtā huuñ jahāñ dekhtā huuñ

diyā jab se āñkhoñ meñ kuhl-e-mohabbat

jo kuchh thā nihāñ so 'ayāñ dekhtā huuñ

bayāñ kī na tāqat na shikve kī qudrat

dikhāte ho jo kuchh miyāñ dekhtā huuñ

'adam ko vujūd aur vujūd is 'adam ko

makāñ hī meñ maiñ lā-makāñ dekhtā huuñ

sivā dair-o-kā'ba meñ DhūñDūñ kidhar maiñ

na yaañ dekhtā huuñ na vaañ dekhtā huuñ

kahūñ tujh se kyā 'ishq' hālat maiñ apnī

ki har shai meñ apnā nishāñ dekhtā huuñ

tujhe kya kahun main kahan dekhta hun

tujhe dekhta hun jahan dekhta hun

diya jab se aankhon mein kuhl-e-mohabbat

jo kuchh tha nihan so 'ayan dekhta hun

bayan ki na taqat na shikwe ki qudrat

dikhate ho jo kuchh miyan dekhta hun

'adam ko wujud aur wujud is 'adam ko

makan hi mein main la-makan dekhta hun

siwa dair-o-ka'ba mein DhunDun kidhar main

na yan dekhta hun na wan dekhta hun

kahun tujh se kya 'ishq' haalat main apni

ki har shai mein apna nishan dekhta hun