ishq aankhon ko kis ki takta hai

'ishq āñkhoñ ko kis kī taktā hai

aaj jo dam-ba-dam bahaktā hai

haaye yaaro ḳhudā hī ḳhair kare

zaḳhm-e-dil be-tarah Tapaktā hai

kisī bedād-gar ne yaad kiyā

dil-e-majrūh jo dhaḌaktā hai

kis tarh se na huuñ maiñ garm-e-suḳhan

aag meñ dil paḌā dahaktā hai

dard-e-dil kyā karūñ bayāñ zālim

kuchh sināñ kī tarh chamaktā hai

'ishq ko shā’irī nahīñ manzūr

dil meñ aatā hai so vo baktā hai

'ishq aankhon ko kis ki takta hai

aaj jo dam-ba-dam bahakta hai

haye yaro KHuda hi KHair kare

zaKHm-e-dil be-tarah Tapakta hai

kisi bedad-gar ne yaad kiya

dil-e-majruh jo dhaDakta hai

kis tarh se na hun main garm-e-suKHan

aag mein dil paDa dahakta hai

dard-e-dil kya karun bayan zalim

kuchh sinan ki tarh chamakta hai

'ishq ko sha’iri nahin manzur

dil mein aata hai so wo bakta hai