tere jalwon ne hamein apna banaya jaanan

tere jalvoñ ne hameñ apnā banāyā jānāñ

ham ne har zaḳhm ko siine se lagāyā jānāñ

terī chāhat ke sabhī rañg nikhar kar aa.e

dil ko yādoñ meñ tirī ham ne jalāyā jānāñ

garche zinda haiñ magar TuuT chuke haiñ ham bhī

terī nazroñ se har ik dard chhupāyā jānāñ

terī qurbat ke hasīñ ḳhvāb to dekhe ham ne

vasl kā ek bhī lamha nahīñ paayā jānāñ

terī furqat ne sukūñ chhīn liyā hai merā

hijar ke dard ne rātoñ ko jagāyā jānāñ

maiñ to patthar bhī thā sahrā-e-balā bhī lekin

terī ulfat ne mujhe mom banāyā jānāñ

ab to 'shāyāñ' kisī se bhī nahīñ miltā hai

tum ne mujh ko jo nahīñ paas bulāyā jānāñ

tere jalwon ne hamein apna banaya jaanan

hum ne har zaKHm ko sine se lagaya jaanan

teri chahat ke sabhi rang nikhar kar aae

dil ko yaadon mein teri hum ne jalaya jaanan

garche zinda hain magar TuT chuke hain hum bhi

teri nazron se har ek dard chhupaya jaanan

teri qurbat ke hasin KHwab to dekhe hum ne

wasl ka ek bhi lamha nahin paya jaanan

teri furqat ne sukun chhin liya hai mera

hijar ke dard ne raaton ko jagaya jaanan

main to patthar bhi tha sahra-e-bala bhi lekin

teri ulfat ne mujhe mom banaya jaanan

ab to 'shayan' kisi se bhi nahin milta hai

tum ne mujh ko jo nahin pas bulaya jaanan