kya puchhte ho mujhse ki kyun tu ne ro diya
kya puchhte ho mujhse ki kyun tu ne ro diya
Khwaja Ruknuddin Ishq
MORE BYKhwaja Ruknuddin Ishq
kyā pūchhte ho mujh se ki kyuuñ tū ne ro diyā
dil ne kiyā thā jam.a so āñkhoñ ne kho diyā
dil ko agarche daaġh diyā yā jigar ko zaḳhm
maiñ ne ba-jāñ qubūl kiyā us ne jo diyā
thā ḳhāndān-e-chashm tū raushan jahāñ ke biich
ai tifl-e-ashk tū ne ye ghar hī Dubo diyā
aage miyāñ nasīb hai sarsabz ho na ho
dil kī zamīñ meñ tuḳhm-e-mohabbat to bo diyā
dil aur jaan dene meñ taqsīr kuchh na kī
'ishq' us ne jo talab kiyā nā-chār so diyā
kya puchhte ho mujh se ki kyun tu ne ro diya
dil ne kiya tha jama so aankhon ne kho diya
dil ko agarche dagh diya ya jigar ko zaKHm
main ne ba-jaan qubul kiya us ne jo diya
tha KHandan-e-chashm tu raushan jahan ke bich
ai tifl-e-ashk tu ne ye ghar hi Dubo diya
aage miyan nasib hai sarsabz ho na ho
dil ki zamin mein tuKHm-e-mohabbat to bo diya
dil aur jaan dene mein taqsir kuchh na ki
'ishq' us ne jo talab kiya na-chaar so diya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
