lakh dekhun tujhe phirti nahin niyyat meri

laakh dekhūñ tujhe phirtī nahīñ niyyat merī

dil hai qaabū meñ mirā ab na tabī.at merī

aa ke pahlū meñ mire baiTh maiñ ho jā.ūñ nisār

hai tamannā to yahī hai yahī hasrat merī

dam-e-āḳhir to mire paas bhalā aa be-dard

terī furqat meñ koī dam meñ hai ruḳhsat merī

qabr par merī agar fātiha paḌhne ke liye

vo jo aa jaa.eñ to tharrā uThe turbat merī

tum ko dekhā karūñ har vaqt sarāpā huuñ fanā

kartī rah rah ke taqāzā hai ye hālat merī

zinda dargor huuñ lekin mujhe zinda na samajh

ek muddat jo yahī rah ga.ī hālat merī

kushta-e-nāz huuñ jin kā hai unhīñ kā kaunain

sarvat-e-jam se uThegī vo hai mayyat merī

ba.ad-e-murdan bhī maiñ bīmār-e-mohabbat hī rahūñ

tā-qayāmat na ho yārab kabhī sehhat merī

hech duniyā hai zar-o-māl hai sab hech magar

ik mohabbat tirī 'mardāñ' hai ye daulat merī

lakh dekhun tujhe phirti nahin niyyat meri

dil hai qabu mein mera ab na tabiat meri

aa ke pahlu mein mere baiTh main ho jaun nisar

hai tamanna to yahi hai yahi hasrat meri

dam-e-aKHir to mere pas bhala aa be-dard

teri furqat mein koi dam mein hai ruKHsat meri

qabr par meri agar fatiha paDhne ke liye

wo jo aa jaen to tharra uThe turbat meri

tum ko dekha karun har waqt sarapa hun fana

karti rah rah ke taqaza hai ye haalat meri

zinda dargor hun lekin mujhe zinda na samajh

ek muddat jo yahi rah gai haalat meri

kushta-e-naz hun jin ka hai unhin ka kaunain

sarwat-e-jam se uThegi wo hai mayyat meri

baad-e-murdan bhi main bimar-e-mohabbat hi rahun

ta-qayamat na ho yarab kabhi sehhat meri

hech duniya hai zar-o-mal hai sab hech magar

ek mohabbat teri 'mardan' hai ye daulat meri