lab-e-rañgīñ haiñ tere rashk-e-aqīq-e-yamanī
lab-e-rañgīñ haiñ tire rashk-e-aqīq-e-yamanī
zeb detī hai tujhe nām-e-ḳhudā kam-suḳhanī
haar kal pahne the phūloñ ke nishāñ hai ab tak
ḳhatm hai gul-badanoñ meñ tirī nāzuk-badanī
sharm se aab hue nīshkar-o-qand-o-nabāt
dekh kar ai shakarīñ-lab tirī shīrīñ-dahnī
meva-e-bāġh-e-iram us ko na bhāve hargiz
taubar-e-bosa kiyā jis ne vo seb-e-zaqnī
jhūTe va.ade tire ai jaan karūñ sab bāvar
dil shikasta na kare gar tirī paimāñ-shikanī
shama-rūyoñ se jise shām-o-sahar sohbat ho
hai sazā-vār use da.ava-e-ḳhush-anjumanī
is qadar mahke hai us kākul-e-mushkīñ kī shamīm
justujū meñ hue 'bedār' ġhazāl-e-ḳhutanī
lab-e-rañgīñ haiñ tere rashk-e-aqīq-e-yamanī
zeb detī hai tujhe nām-e-ḳhudā kam-suḳhanī
haar kal pahne the phūloñ ke nishāñ hai ab tak
ḳhatm hai gul-badanoñ meñ tirī nāzuk-badanī
sharm se aab hue nīshkar-o-qand-o-nabāt
dekh kar ai shakarīñ-lab tirī shīrīñ-dahnī
mewa-e-bāġh-e-iram us ko na bhāwe hargiz
taubar-e-bosa kiyā jis ne wo seb-e-zaqnī
jhūTe wade tere ai jaan karūñ sab bāwar
dil shikasta na kare gar tirī paimāñ-shikanī
shama-rūyoñ se jise shām-o-sahar sohbat ho
hai sazā-wār use dawa-e-ḳhush-anjumanī
is qadar mahke hai us kākul-e-mushkīñ kī shamīm
justujū meñ hue 'bedār' ġhazāl-e-ḳhutanī
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
