نگاہِ حسن جب گویا ہو تو تصویر بنتی ہے

نگاہِ حسن جب گویا ہو تو تصویر بنتی ہے

دگر خوبی تو بس تصویر کی تفسیر ہوتی ہے

صبا کے دوش پر بیٹھو چمن میں جا کے بس جاؤ

تو دیکھوگے کہ کوشش سے نئی تقدیر بنتی ہے

یہ شیوہ ہے زمانے کا ہمیشہ ہوتا آیا ہے

جو سچی بات کرتا ہے اسے زنجیر ملتی ہے

سزا مجھ کو ملی تھی جس عدالت وہ تیری تھی

قضاوت کے صحیفوں پر تری تحریر ملتی ہے

یہ میرا خواب تھا قدموں کو تیرے سجدہ کرنے کا

بڑوں کےسامنے جھکنے سے ہی توقیر ملتی ہے

مہ و خورشید بھی ہیں روشنی ہی کے لیے عالمؔ

مگر مجھ کو رخ انور سے ہی تنویر ملتی ہے