nairangiyan tumhaari hum ko sata rahi hain

nairañgiyāñ tumhārī ham ko satā rahī haiñ

pyārī terī adā.eñ dil ko lubhā rahī haiñ

tīr-e-nigah kā maarā koī na bach sakegā

kār-e-kHadañg-o-nāvik āñkheñ dikhā rahī haiñ

ye shor-o-shar tumhārā dil ko bahut hai bhāyā

jī meñ ye mere aaheñ dhūmeñ machā rahī haiñ

ham be-ḳhudī meñ apnī jo kuchh kah rahe haiñ

ye ḳhud adā.eñ terī ham ko sikhā rahī haiñ

dekho safī ne mujh ko hai ‘kHādimī’ 'atā kī

dil meñ mire adā.eñ us kī samā rahī hiiñ

nairangiyan tumhaari hum ko sata rahi hain

pyari teri adaen dil ko lubha rahi hain

tir-e-nigah ka mara koi na bach sakega

kar-e-kHadang-o-nawik aankhen dikha rahi hain

ye shor-o-shar tumhaara dil ko bahut hai bhaya

ji mein ye mere aahen dhumen macha rahi hain

hum be-KHudi mein apni jo kuchh kah rahe hain

ye KHud adaen teri hum ko sikha rahi hain

dekho safi ne mujh ko hai ‘kHadimi’ 'ata ki

dil mein mere adaen us ki sama rahi hin