wasl hota nazar nahin aata
vasl hotā nazar nahīñ aatā
merā jiinā nazar nahīñ aatā
tere bīmār-e-ġham ko dekh aayā
haal achchhā nazar nahīñ aatā
jis ko dekho ġharaz kā banda hai
koī merā nazar nahīñ aatā
us ko dil meñ chhupā ke rakkhā hai
jo kisī jā nazar nahīñ aatā
us ke dene meñ kuchh nahīñ hai kamī
lene vaalā nazar nahīñ aatā
jis taraf dekhtā huuñ tū hī hai
ġhair terā nazar nahīñ aatā
wasl hota nazar nahin aata
mera jina nazar nahin aata
tere bimar-e-gham ko dekh aaya
haal achchha nazar nahin aata
jis ko dekho gharaz ka banda hai
koi mera nazar nahin aata
us ko dil mein chhupa ke rakkha hai
jo kisi ja nazar nahin aata
us ke dene mein kuchh nahin hai kami
lene wala nazar nahin aata
jis taraf dekhta hun tu hi hai
ghair tera nazar nahin aata
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
