tu meri jaan gar nahin aati
tū mirī jaan gar nahīñ aatī
ziist hotī nazar nahīñ aatī
dilrubā.ī o dilbarī tujh ko
go ki aatī hai par nahīñ aatī
hāl-e-dil misl-e-sham.a raushan hai
go mujhe baat kar nahīñ aatī
har-dam aatī hai garche aah par aah
par koī kārgar nahīñ aatī
kyā kahūñ aah maiñ kaso ke huzūr
niiñd kis baat par nahīñ aatī
nahīñ ma.alūm dil pe kyā guzrī
in dinoñ kuchh ḳhabar nahīñ aatī
kiije nā-mehrbānī hī aa kar
mehrbānī agar nahīñ aatī
din kaTā jis tarah kaTā lekin
raat kaTtī nazar nahīñ aatī
zāhiran kuchh sivā.e mehr-o-vafā
baat tujh ko 'asar' nahīñ aatī
tu meri jaan gar nahin aati
zist hoti nazar nahin aati
dilrubai o dilbari tujh ko
go ki aati hai par nahin aati
haal-e-dil misl-e-shama raushan hai
go mujhe baat kar nahin aati
har-dam aati hai garche aah par aah
par koi kargar nahin aati
kya kahun aah main kaso ke huzur
nind kis baat par nahin aati
nahin malum dil pe kya guzri
in dinon kuchh KHabar nahin aati
kije na-mehrbani hi aa kar
mehrbani agar nahin aati
din kaTa jis tarah kaTa lekin
raat kaTti nazar nahin aati
zahiran kuchh siwae mehr-o-wafa
baat tujh ko 'asar' nahin aati
- Book : Diwan-e-Asar Edited: Kamil Quraishi (Pg. 221)
- Author : Mir Asar
- Publication : Anjuman Taraqqi Urdu (Hind) (1978)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
