mere murshid ho peshwa ho tum

mere murshid ho peshvā ho tum

merī sūrat meñ mudda.ā ho tum

DhūñDhe paatā nahīñ tumheñ har shaḳhs

par sabhoñ meñ ḳhalā-malā ho tum

ma.anī-e-mustafā tumhīñ to ho

kāshif-e-sirr-e-lā-makāñ ho tum

jaañ bhī ho dil ho jumbish-e-a.azā

buud ho kul mirī baqā ho tum

jab tumhīñ tum ho har adā merī

phir bhalā mujh se kab judā ho tum

har jagah jab tumhīñ ho ġhair nahīñ

donoñ-ālam meñ barmalā ho tum

'shāh-e-mardān-e-safī' se sun lo saaf

jis ko the DhūñDte dilā ho tum

mere murshid ho peshwa ho tum

meri surat mein muddaa ho tum

DhunDhe pata nahin tumhein har shaKHs

par sabhon mein KHala-mala ho tum

mani-e-mustafa tumhin to ho

kashif-e-sirr-e-la-makan ho tum

jaan bhi ho dil ho jumbish-e-aza

bud ho kul meri baqa ho tum

jab tumhin tum ho har ada meri

phir bhala mujh se kab juda ho tum

har jagah jab tumhin ho ghair nahin

donon-alam mein barmala ho tum

'shah-e-mardan-e-safī' se sun lo saf

jis ko the DhunDte dila ho tum