meri surat mein mera yar hai allah allah

merī sūrat meñ mirā yaar hai allāh allāh

mere dil meñ mirā dildār hai allāh allāh

kyā hī tasvīr banī hai ye ahā-hā-hā-hā

is meñ aapī vo numūdār hai allāh allāh

shakl-e-ādam ke sivā aur na bhāyā naqsha

saare aalam meñ ye iz.hār hai allāh allāh

merā jism aur mirī jaañ hai vahī jaañ bilkul

maiñ kahūñ kyā ki maiñ huuñ yaar hai allāh allāh

mastī-e-har-do-jahāñ hai dil-e-ādam se ayaañ

yahī behosh to hushiyār hai allāh allāh

jis ko nisbat ho payambar kī vahī ho āgāh

merī bātoñ meñ jo asrār hai allāh allāh

ḳhāka murshid kā huā maiñ to huā yaar ayaañ

ye ajab faiz kā darbār hai allāh allāh

qissa qarnoñ meñ na tai hotā vo dam-bhar meñ huā

fazl-e-murshid kā ye iz.hār hai allāh allāh

shah-e-'mardāñ' na koī aur na ḳhādim na 'safī'

shakl-e-ahmad kā ye iz.hār hai allāh allāh

meri surat mein mera yar hai allah allah

mere dil mein mera dildar hai allah allah

kya hi taswir bani hai ye aha-ha-ha-ha

is mein aapi wo numudar hai allah allah

shakl-e-adam ke siwa aur na bhaya naqsha

sare aalam mein ye izhaar hai allah allah

mera jism aur meri jaan hai wahi jaan bilkul

main kahun kya ki main hun yar hai allah allah

masti-e-har-do-jahan hai dil-e-adam se ayan

yahi behosh to hushiyar hai allah allah

jis ko nisbat ho payambar ki wahi ho aagah

meri baaton mein jo asrar hai allah allah

KHaka murshid ka hua main to hua yar ayan

ye ajab faiz ka darbar hai allah allah

qissa qarnon mein na tai hota wo dam-bhar mein hua

fazl-e-murshid ka ye izhaar hai allah allah

shah-e-'mardan' na koi aur na KHadim na 'safi'

shakl-e-ahmad ka ye izhaar hai allah allah