meri nakaami-e-gham zauq-e-hairani banati hai

mirī nākāmi-e-ġham zauq-e-hairānī banātī hai

ye duniyā duur se merī nazar meñ jagmagātī hai

sukūt-e-vasl kā lamha bhī kyā bedār ḳhvābī hai

mohabbat jāgtī hai aur javānī soī jaatī hai

vo jab sanjīda hote haiñ adā añgḌā.ī letī hai

vo jab ḳhāmosh hote haiñ javānī gungunātī hai

zamāna hai ki dil-gīrī meñ afsurda sā rahtā hai

tabī'at hai ki ġhamgīnī meñ jaulānī pe aatī hai

havā-e-dāman-e-nak.hat fazā kā vāsta tum ko

zarā Thahro charāġh-e-zīst kī lau thartharātī hai

musalsal gulshan-e-hastī meñ kāñTe us ne boye haiñ

ye duniyā phir unhīñ kāñToñ se kyuuñ dāman bachātī hai

ye ġham fursat hī detā hai na aañsū band hote haiñ

barastā jā rahā hai meñh badlī bantī jaatī hai

yahī hastī 'nushūr' ik roz hai anjām-e-hastī bhī

yahī duniyā kisī manzil pe 'uqbā ho ke aatī hai

meri nakaami-e-gham zauq-e-hairani banati hai

ye duniya dur se meri nazar mein jagmagati hai

sukut-e-wasl ka lamha bhi kya bedar KHwabi hai

mohabbat jagti hai aur jawani soi jati hai

wo jab sanjida hote hain ada angDai leti hai

wo jab KHamosh hote hain jawani gungunati hai

zamana hai ki dil-giri mein afsurda sa rahta hai

tabi'at hai ki ghamgini mein jaulani pe aati hai

hawa-e-daman-e-nakhat faza ka wasta tum ko

zara Thahro charagh-e-zist ki lau thartharaati hai

musalsal gulshan-e-hasti mein kanTe us ne boye hain

ye duniya phir unhin kanTon se kyun daman bachati hai

ye gham fursat hi deta hai na aansu band hote hain

barasta ja raha hai meinh badli banti jati hai

yahi hasti 'nushur' ek roz hai anjam-e-hasti bhi

yahi duniya kisi manzil pe 'uqba ho ke aati hai