KHabar kya chaara-gar aae na aae

ḳhabar kyā chāra-gar aa.e na aa.e

qazā bhī vaqt par aa.e na aa.e

shab-e-ġham kī sahar aa.e na aa.e

sitāra auj par aa.e na aa.e

hai dil ko hasrat-e-dīdār jānāñ

in āñkhoñ se nazar aa.e na aa.e

giraftār bulā.e shām-e-ġham haiñ

nazar nūr-e-sahar aa.e na aa.e

hamārī zindagī meñ roz-e-mahshar

kisī ko kyā ḳhabar aa.e na aa.e

sharīk-e-hāl bismil hai vo hamdam

nazar ḳhūn-e-jigar aa.e na aa.e

KHabar kya chaara-gar aae na aae

qaza bhi waqt par aae na aae

shab-e-gham ki sahar aae na aae

sitara auj par aae na aae

hai dil ko hasrat-e-didar jaanan

in aankhon se nazar aae na aae

giraftar bulae sham-e-gham hain

nazar nur-e-sahar aae na aae

hamari zindagi mein roz-e-mahshar

kisi ko kya KHabar aae na aae

sharik-e-haal bismil hai wo hamdam

nazar KHun-e-jigar aae na aae