yaad kab teri hamein ai dilbar-e-jaan na rahi

yaad kab terī hameñ ai dilbar-e-jāñ na rahī

ḳhaak jab tak na huī jaañ misl-e-parvāna rahī

shīsha-e-dil meñ utar aayā parī-paikar kā husn

aañkh makHmūr-e-sharāb-e-chashm-e-jānāna rahī

rāz-e-vaj.hullāh jis par āshkāra ho gayā

dair-o-kā'ba kī use phir koī parvā na rahī

sar meñ saudā us but-e-tannāz kā jab se huā

bahkī bahkī sī tabī'at apnī rozāna rahī

'ishq saarī zindagī ko khā gaayā us shauq kā

zindagī kyā zindagī bas ek afsānā rahī

sāheb-ul-barkāt ke zariye hue haiñ qādrī

roz-e-mahshar kī ‘muzammil’ koī parvā na rahī

yaad kab teri hamein ai dilbar-e-jaan na rahi

KHak jab tak na hui jaan misl-e-parwana rahi

shisha-e-dil mein utar aaya pari-paikar ka husn

aankh makHmur-e-sharab-e-chashm-e-jaanana rahi

raaz-e-wajhullah jis par aashkara ho gaya

dair-o-ka'ba ki use phir koi parwa na rahi

sar mein sauda us but-e-tannaz ka jab se hua

bahki bahki si tabi'at apni rozana rahi

'ishq sari zindagi ko kha gaya us shauq ka

zindagi kya zindagi bas ek afsana rahi

saheb-ul-barkat ke zariye hue hain qadri

roz-e-mahshar ki ‘muzammil’ koi parwa na rahi