hai bayaban mein to koi anjuman mein mast hai

hai bayābāñ meñ to koī anjuman meñ mast hai

terā dīvāna har ik dīvāne-pan meñ mast hai

mast haiñ ham tavāf-e-rū-e-yār meñ sub.h-o-masā

shaiḳh masjid meñ to mandir meñ barahman mast hai

kūcha-e-qātil banā hai raqs-gāh-e-’āshiqāñ

koī bismil hai koī dār-o-rasan meñ mast hai

'ishq meñ tere judāgāna phirā karte haiñ sab

mai-kade meñ rind phirtā qais ban meñ mast hai

chain jo lene nahīñ detī hai musht-e-ḳhāk ko

koī to shai hai jo khākī pairahan meñ mast hai

maiñ ‘muzammil’ mast huuñ mai-kHāna-e-barkāt meñ

dahr meñ har koī apnī anjuman meñ mast hai

hai bayaban mein to koi anjuman mein mast hai

tera diwana har ek diwane-pan mein mast hai

mast hain hum tawaf-e-ru-e-yar mein subh-o-masa

shaiKH masjid mein to mandir mein barahman mast hai

kucha-e-qatil bana hai raqs-gah-e-’ashiqan

koi bismil hai koi dar-o-rasan mein mast hai

'ishq mein tere judagana phira karte hain sab

mai-kade mein rind phirta qais ban mein mast hai

chain jo lene nahin deti hai musht-e-KHak ko

koi to shai hai jo khaki pairahan mein mast hai

main ‘muzammil’ mast hun mai-kHana-e-barkat mein

dahr mein har koi apni anjuman mein mast hai