abhi rakhti nahin tasir wo aah-o-fughan apni

abhī rakhtī nahīñ tāsīr vo āh-o-fuġhāñ apnī

hilā paa.e jo dil unkā kahāñ vo dāstāñ apnī

na jaane kab taras āye.gā unko merī hālat par

kiye jaatā hai jo bhī chāhtā hai āsmāñ apnī

merī barbādiyoñ kī ḳhuub shohrat ho ga.ī jag meñ

kare ab naaz qismat par tumhārā āstāñ apnī

jahāñ tak phūñknā chāho ho phūñko sab tumhārā hai

na merā āshiyāñ apnā na merī bijliyāñ apnī

lahad meñ dāġh-e-hasrat merā mere saath jā.egā

farishte phuuT kar ro.eñ suneñ gar dāstāñ apnī

jama’-ḳhātir rakho tum hashr meñ bhī surḳh-rū hoge

nahīñ kholūñgā mahshar meñ merī jaañ maiñ zabāñ apnī

tumhārī hī nazar se hai bharam donoñ jahānoñ meñ

nazar mat pher lenā mujh se mere mehrbāñ apnī

kahūñ kaise ye kis ke haath dil neñ zaḳhm khaa.e haiñ

‘muzammil’ un kī rusvā.ī meñ haiñ rusvā.iyāñ apnī

abhi rakhti nahin tasir wo aah-o-fughan apni

hila pae jo dil unka kahan wo dastan apni

na jaane kab taras aayega unko meri haalat par

kiye jata hai jo bhi chahta hai aasman apni

meri barbaadiyon ki KHub shohrat ho gai jag mein

kare ab naz qismat par tumhaara aastan apni

jahan tak phunkna chaho ho phunko sab tumhaara hai

na mera aashiyan apna na meri bijliyan apni

lahad mein dagh-e-hasrat mera mere sath jaega

farishte phuT kar roen sunen gar dastan apni

jama’-KHatir rakho tum hashr mein bhi surKH-ru hoge

nahin kholunga mahshar mein meri jaan main zaban apni

tumhaari hi nazar se hai bharam donon jahanon mein

nazar mat pher lena mujh se mere mehrban apni

kahun kaise ye kis ke hath dil nen zaKHm khae hain

‘muzammil’ un ki ruswai mein hain ruswaiyan apni