na adā mujhse huā us sitam-ījād kā haq

na adā mujh se huā us sitam-ījād kā haq

merī gardan pe rahā ḳhanjar-e-bedād kā haq

nāseho gar na sunūñ maiñ mirī qismat kā qusūr

tum ne irshād kiyā jo ki hai irshād kā haq

yaad to haq kī tujhe yaad hī par yaad rahī

yaar dushvār hai vo yaad jo hai yaad kā haq

apnī tasvīr pe sadqe tire sadqe kar use

isī sūrat se adā hovegā bahzād kā haq

haq ko bātil koī kis tarah se kah de ai but

kahīñ saanī nahīñ us husn-e-ḳhudā-dād kā haq

jāñ-kanī pesha ho jis kā vo lahaq hai terā

tujh pe shīrīñ hai na ḳhusrav kā na farhād kā haq

bār-e-ehsāñ se nahīñ sar bhī uThā saktā huuñ

mere sar par hī rahā us mire jallād kā haq

sun ke kahtā hai yahāñ kaun hai suntā mat sun

sunñe vaalā hī sunā is mirī fariyād kā haq

vahī insān hai 'ehsāñ' ki jise ilm hai kuchh

haq ye hai baap se afzūñ rahe ustād kā haq

na adā mujh se huā us sitam-ījād kā haq

merī gardan pe rahā ḳhanjar-e-bedād kā haq

nāseho gar na sunūñ maiñ mirī qismat kā qusūr

tum ne irshād kiyā jo ki hai irshād kā haq

yaad to haq kī tujhe yaad hī par yaad rahī

yar dushwār hai wo yaad jo hai yaad kā haq

apnī taswīr pe sadqe tere sadqe kar use

isī sūrat se adā howegā bahzād kā haq

haq ko bātil koī kis tarah se kah de ai but

kahīñ sanī nahīñ us husn-e-ḳhudā-dād kā haq

jāñ-kanī pesha ho jis kā wo lahaq hai terā

tujh pe shīrīñ hai na ḳhusraw kā na farhād kā haq

bār-e-ehsāñ se nahīñ sar bhī uThā saktā huñ

mere sar par hī rahā us mere jallād kā haq

sun ke kahtā hai yahāñ kaun hai suntā mat sun

sunñe walā hī sunā is mirī fariyād kā haq

wahī insān hai 'ehsāñ' ki jise ilm hai kuchh

haq ye hai bap se afzūñ rahe ustād kā haq