Sufinama

nahin aaram ek ja dil ko

Meer Muhammad Bedar

nahin aaram ek ja dil ko

Meer Muhammad Bedar

MORE BYMeer Muhammad Bedar

    nahīñ ārām ek dil ko

    aah kyā jaane kyā huā dil ko

    ai butāñ mohtaram rakho us ko

    kahte haiñ ḳhāna-e-ḳhudā dil ko

    le to jaate ho mehrbāñ lekin

    kiijo mat aap se judā dil ko

    muñh na pherā kabhī jafā se tirī

    āfrīñ dil ko marhabā dil ko

    ye tavaqqo.a na thī hameñ hargiz

    ki dikhāoge ye jafā dil ko

    haiñ yahī Dhañg aap ke to ḳhair

    kyuuñ na phir dījiyegā aa dil ko

    āḳhir us tifl-e-shoḳh ne dekhā

    TukḌe juuñ shīsha kar diyā dil ko

    aaj lagtī hai kuchh baġhal ḳhālī

    kaun siine se le gayā dil ko

    ham to kahte haiñ tujh ko ai 'bedār'

    kiijo mat us se āshnā dil ko

    nahin aaram ek ja dil ko

    aah kya jaane kya hua dil ko

    ai butan mohtaram rakho us ko

    kahte hain KHana-e-KHuda dil ko

    le to jate ho mehrban lekin

    kijo mat aap se juda dil ko

    munh na phera kabhi jafa se teri

    aafrin dil ko marhaba dil ko

    ye tawaqqoa na thi hamein hargiz

    ki dikhaoge ye jafa dil ko

    hain yahi Dhang aap ke to KHair

    kyun na phir dijiyega aa dil ko

    aaKHir us tifl-e-shoKH ne dekha

    TukDe jun shisha kar diya dil ko

    aaj lagti hai kuchh baghal KHali

    kaun sine se le gaya dil ko

    hum to kahte hain tujh ko ai 'bedar'

    kijo mat us se aashna dil ko

    Source :
    • Book : Diwan-e-Bedar Edited: Mohammad Husain Mahwi (Pg. 75)
    • Author : Meer Mohammad 'Bedar'
    • Publication : Shahi Press Tizlipkian, Madras
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now