ru-e-mubin hai ru-ba-ru jalwon mein gum nazar bhi hai
ru-e-mubin hai ru-ba-ru jalwon mein gum nazar bhi hai
Nakhshab Jarchawi
MORE BYNakhshab Jarchawi
rū-e-mubīñ hai rū-ba-rū jalvoñ meñ gum nazar bhī hai
apne se be-ḳhabar bhī huuñ apnī mujhe ḳhabar bhī hai
koī na jagmagā sakā ruuh mirī tire baġhair
hone ko yuuñ to zau-fishāñ shams bhī hai qamar bhī hai
dil meñ samā ga.e to kyā sāmne mere aa.iye
tālib-e-dīd aap kā dil hī nahīñ nazar bhī hai
'ishq bhī hai karishma-sāz husn bhī hai fusūñ-tarāz
pahle jo haal thā idhar aaj vahī udhar bhī hai
’nakHshab’-e-sāda lauh kab husn se koī bach sake
his na ho jis ke qalb meñ us ke liye mafar bhī hai
ru-e-mubin hai ru-ba-ru jalwon mein gum nazar bhi hai
apne se be-KHabar bhi hun apni mujhe KHabar bhi hai
koi na jagmaga saka ruh meri tere baghair
hone ko yun to zau-fishan shams bhi hai qamar bhi hai
dil mein sama gae to kya samne mere aaiye
talib-e-did aap ka dil hi nahin nazar bhi hai
'ishq bhi hai karishma-saz husn bhi hai fusun-taraaz
pahle jo haal tha idhar aaj wahi udhar bhi hai
’nakHshab’-e-sada lauh kab husn se koi bach sake
his na ho jis ke qalb mein us ke liye mafar bhi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
