tere pahle ki jo kahani hai

tere pahle kī jo kahānī hai

ab kisī ko nahīñ sunānī hai

tū mile gar to kar hī jā.ūñ maiñ

baat dil meñ jo maiñ ne Thānī hai

tere ġham ko judā karūñ kaise

terī ulfat kī ye nishānī hai

tere bin har taraf hai ġham hī ġham

tere hone se shādmānī hai

bāteñ aisī bhī haiñ bahut dil meñ

jo kisī ko nahīñ batānī hai

shā'irī yuuñ bhī ham ko aanī thī

ye hunar merā ḳhāndānī hai

jo bhī karnā hai jald kar le 'naqīb'

baaqī terī abhī javānī hai

jo bhī hāsil huā hai ham ko 'naqīb'

sab mere rab kī mehrbānī hai

tere pahle ki jo kahani hai

ab kisi ko nahin sunani hai

tu mile gar to kar hi jaun main

baat dil mein jo main ne Thani hai

tere gham ko juda karun kaise

teri ulfat ki ye nishani hai

tere bin har taraf hai gham hi gham

tere hone se shadmani hai

baaten aisi bhi hain bahut dil mein

jo kisi ko nahin batani hai

sha'iri yun bhi hum ko aani thi

ye hunar mera KHandani hai

jo bhi karna hai jald kar le 'naqib'

baqi teri abhi jawani hai

jo bhi hasil hua hai hum ko 'naqib'

sab mere rab ki mehrbani hai