تیرے پہلے کی جو کہانی ہے

تیرے پہلے کی جو کہانی ہے

اب کسی کو نہیں سنانی ہے

تو ملے گر تو کر ہی جاؤں میں

بات دل میں جو میں نے ٹھانی ہے

تیرے غم کو جدا کروں کیسے

تیری الفت کی یہ نشانی ہے

تیرے بن ہر طرف ہے غم ہی غم

تیرے ہونے سے شادمانی ہے

باتیں ایسی بھی ہیں بہت دل میں

جو کسی کو نہیں بتانی ہے

شاعری یوں بھی ہم کو آنی تھی

یہ ہنر میرا خاندانی ہے

جو بھی کرنا ہے جلد کر لے نقیبؔ

باقی تیری ابھی جوانی ہے

جو بھی حاصل ہوا ہے ہم کو نقیبؔ

سب میرے رب کی مہربانی ہے