nashshe meñ jī chāhtā hai bosa-bāzī kījiye
nashshe meñ jī chāhtā hai bosa-bāzī kījiye
itnī ruḳhsat dījiye banda-navāzī kījiye
chāhiye jo kuchh so ho pahle hī sajde meñ husūl
aap ko gar ka.aba-e-dil kā namāzī kījiye
jis ne ik jalva ko dekhā jī diyā parvāna-vār
is qadar ai sham.a-rūyāñ husn-sāzī kījiye
nardbāñ kahte haiñ hai bām-e-haqīqat kā majāz
chand roz is vāste ishq-e-majāzī kījiye
ḳhvāhish-e-raushan-dilī gar hove shab se tā-sahar
sham.a-sāñ 'bedār' ro ro jāñ-gudāzī kījiye
nashshe meñ jī chāhtā hai bosa-bāzī kījiye
itnī ruḳhsat dījiye banda-nawāzī kījiye
chāhiye jo kuchh so ho pahle hī sajde meñ husūl
aap ko gar kaba-e-dil kā namāzī kījiye
jis ne ek jalwa ko dekhā jī diyā parwāna-wār
is qadar ai shama-rūyāñ husn-sāzī kījiye
nardbāñ kahte haiñ hai bām-e-haqīqat kā majāz
chand roz is wāste ishq-e-majāzī kījiye
ḳhwāhish-e-raushan-dilī gar howe shab se tā-sahar
shama-sāñ 'bedār' ro ro jāñ-gudāzī kījiye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
