nau-asir-e-furqat hun wasl-e-yar mujhse puchh

nau-asīr-e-furqat huuñ vasl-e-yār mujh se pūchh

ho ga.ī ḳhizāñ dam meñ sab bahār mujh se pūchh

ḳhvāb hai na bedārī shukr hai na hoshiyārī

lutf-e-lazzat-e-kaif-e-be-ḳhumār mujh se pūchh

haaye maiñ na kahtā thā muft rā.egāñ hogā

kū-e-yār kā rasta ai ġhubār mujh se pūchh

nīstī huī hastī auj ban ga.ī pastī

hoshiyārī-o-mastī bāda-ḳhvār mujh se pūchh

merī ma.asiyat-koshī yaar kī ḳhatā-poshī

apnī ḳhud-farāmoshī ai 'nisār' mujh se pūchh

nau-asir-e-furqat hun wasl-e-yar mujh se puchh

ho gai KHizan dam mein sab bahaar mujh se puchh

KHwab hai na bedari shukr hai na hoshiyari

lutf-e-lazzat-e-kaif-e-be-KHumar mujh se puchh

haye main na kahta tha muft raegan hoga

ku-e-yar ka rasta ai ghubar mujh se puchh

nisti hui hasti auj ban gai pasti

hoshiyari-o-masti baada-KHwar mujh se puchh

meri masiyat-koshi yar ki KHata-poshi

apni KHud-faramoshi ai 'nisar' mujh se puchh