ne faqat tujh husn ki hai hind ki KHuban mein dhum

ne faqat tujh husn kī hai hind kī ḳhūbāñ meñ dhuum

hai tirī zulf-e-chalīpā kī farañgistāñ meñ dhuum

kyā kareñ pā-basta-e-kū-e-butāñ haiñ varna ham

karte juuñ farhād-o-majnūñ dasht-o-kohistāñ meñ dhuum

dekh tere muñh ko kuchh ā.īna hī hairāñ nahīñ

tujh ruḳh-e-raushan kī hai mahr-o-mah-e-tābāñ meñ dhuum

ai bahār-e-gulshan-e-nāz-o-nazākat har taraf

tere aane se huī hai aur bhī bustāñ meñ dhuum

sher kahnā garche chhoḌā tū ne ai 'bedār' aaj

kah ġhazal aisī ki ho bazm-e-suḳhan-sanjāñ meñ dhuum

ne faqat tujh husn ki hai hind ki KHuban mein dhum

hai teri zulf-e-chalipa ki farangistan mein dhum

kya karen pa-basta-e-ku-e-butan hain warna hum

karte jun farhad-o-majnun dasht-o-kohistan mein dhum

dekh tere munh ko kuchh aaina hi hairan nahin

tujh ruKH-e-raushan ki hai mahr-o-mah-e-taban mein dhum

ai bahaar-e-gulshan-e-naz-o-nazakat har taraf

tere aane se hui hai aur bhi bustan mein dhum

sher kahna garche chhoDa tu ne ai 'bedar' aaj

kah ghazal aisi ki ho bazm-e-suKHan-sanjaan mein dhum