kis ki chashm-e-mast ne is dil ko mastana kiya

kis kī chashm-e-mast ne is dil ko mastāna kiyā

zāhid-e-'uzlat-nashīñ ko rañg-e-mai-kHāna kiyā

zāhido sau baar ham to baay mardāna kiyā

nargis-e-maḳhmūr ne phir sū-e-mai-ḳhāna kiyā

haaye kis jaadū nigah ne dil ko dīvāna kiyā

āshnā ko mere ham se aaj begāna kiyā

ḳhalq meñ badnām ai dil ham tire bā'is hue

rāz-e-poshīda ko mere tū ne afsāna kiyā

nargis-e-paimāna-e-sāqī se to thī hī be-ḳhudī

kākul-e-mushkīñ ne us ke aur dīvāna kiyā

mushfiq az mādar pidar mere nabī ne lutfahā

'ne'matī' par besh az altāf-e-pidarāna kiyā

kis ki chashm-e-mast ne is dil ko mastana kiya

zahid-e-'uzlat-nashin ko rang-e-mai-kHana kiya

zahido sau bar hum to bay mardana kiya

nargis-e-maKHmur ne phir su-e-mai-KHana kiya

haye kis jadu nigah ne dil ko diwana kiya

aashna ko mere hum se aaj begana kiya

KHalq mein badnam ai dil hum tere ba'is hue

raaz-e-poshida ko mere tu ne afsana kiya

nargis-e-paimana-e-saqi se to thi hi be-KHudi

kakul-e-mushkin ne us ke aur diwana kiya

mushfiq az madar pidar mere nabi ne lutfaha

'ne'mati' par besh az altaf-e-pidarana kiya