kya shikwa hamein ai dil hum par aawazen jo duniya kasti hai

kyā shikva hameñ ai dil ham par āvāzeñ jo duniyā kastī hai

ab ḳhud hī hamārī hālat par taqdīr hamārī hañstī hai

ai dost jafāoñ kī terī kuchh us par navāzish hai varna

ik qatra-e-kHūn-e-dil ke sivā kyā ashk-e-vafā kī hastī hai

rif'at ke fareboñ meñ aa ke tū naaz na kar maġhrūr na ban

samjhā hai bulandī tuune jise nādān ye had kī pastī hai

majbūr yūñhī majbūr rahā betāb ko kab hai taab milī

pahle bhī ye duniyā bastī thī aur ab bhī ye duniyā bastī hai

ye sach hai sitam ke hāthoñ se āzād huā gulshan lekin

gulchīñ jafā kī shāḳhoñ par ab bhī vahī chīra-dastī hai

haañ thā jo irādoñ kā maskan aur thā jo umañgoñ kā gulshan

ye dil hai vahī ab jis dil meñ nākām tamannā bastī hai

tadbīr ke nāḳhun se jitnī ham kholte haiñ girheñ ġham kī

utnī hī 'niyāz'-e-zār hameñ taqdīr kī bandish kastī hai

kya shikwa hamein ai dil hum par aawazen jo duniya kasti hai

ab KHud hi hamari haalat par taqdir hamari hansti hai

ai dost jafaon ki teri kuchh us par nawazish hai warna

ek qatra-e-kHun-e-dil ke siwa kya ashk-e-wafa ki hasti hai

rif'at ke farebon mein aa ke tu naz na kar maghrur na ban

samjha hai bulandi tune jise nadan ye had ki pasti hai

majbur yunhi majbur raha betab ko kab hai tab mili

pahle bhi ye duniya basti thi aur ab bhi ye duniya basti hai

ye sach hai sitam ke hathon se aazad hua gulshan lekin

gulchin jafa ki shaKHon par ab bhi wahi chira-dasti hai

han tha jo iradon ka maskan aur tha jo umangon ka gulshan

ye dil hai wahi ab jis dil mein nakaam tamanna basti hai

tadbir ke naKHun se jitni hum kholte hain girhen gham ki

utni hi 'niyaz'-e-zar hamein taqdir ki bandish kasti hai