jigar mein dard tera KHud hi pal rakkha hai

jigar meñ dard tirā ḳhud hī paal rakkhā hai

ki tere 'ishq meñ aisā kamāl rakkhā hai

na ḳhauf duniyā kā mujh ko na ḳhauf uqbā kā

hamesha dil meñ tumhārā ḳhayāl rakkhā hai

tanazzulī kā bhalā ham bhī ronā kyā rote

ki har kamāl ke pīchhe zavāl rakkhā hai

baġhair dekhe unheñ dil zarā nahīñ lagtā

na jaane kaun sī 'ādat ko paal rakkhā hai

bichhā ke rakkhī haiñ palkeñ tumhārī rāhoñ meñ

tumhāre vāste dil bhī sambhāl rakkhā hai

zamāne bhar kī nigāhoñ se duur rahtā huuñ

hayā ko maiñ ne hifāzat se paal rakkhā hai

bikhar ke rah gayā hotā maiñ aaj ai 'amabar'

na jāneñ kis kī du'ā ne sambhāl rakkhā hai

jigar mein dard tera KHud hi pal rakkha hai

ki tere 'ishq mein aisa kamal rakkha hai

na KHauf duniya ka mujh ko na KHauf uqba ka

hamesha dil mein tumhaara KHayal rakkha hai

tanazzuli ka bhala hum bhi rona kya rote

ki har kamal ke pichhe zawal rakkha hai

baghair dekhe unhen dil zara nahin lagta

na jaane kaun si 'adat ko pal rakkha hai

bichha ke rakkhi hain palken tumhaari rahon mein

tumhaare waste dil bhi sambhaal rakkha hai

zamane bhar ki nigahon se dur rahta hun

haya ko main ne hifazat se pal rakkha hai

bikhar ke rah gaya hota main aaj ai 'amabar'

na jaanen kis ki du'a ne sambhaal rakkha hai