wo din bhi hai aane wala

vo din bhī hai aane vaalā

taḌpe gā taḌpāne vaalā

phir hai kisī par aane vaalā

dil hai qiyāmat Dhāne vaalā

dekh rahā hai ġhaur se un ko

aane vaalā jaane vaalā

maiñ na haTūñgā dar se tere

bahkā.e bahkāne vaalā

bazm meñ un kī maiñ hī maiñ huuñ

choT jigar par khāne vaalā

saañs kā rishta TuuT rahā hai

kab aa.egā aane vaalā

un kī balā se un ko kyā ġham

miT jaa.e miT jaane vaalā

āñkhoñ se dil meñ dar aayā

vo kam-go sharmāne vaalā

bhuul kar aayā phir na udhar ko

baat banā kar jaane vaalā

kaash 'nasīr' koī mil jaatā

raah par us ko laane vaalā

wo din bhi hai aane wala

taDpe ga taDpane wala

phir hai kisi par aane wala

dil hai qiyamat Dhane wala

dekh raha hai ghaur se un ko

aane wala jaane wala

main na haTunga dar se tere

bahkae bahkane wala

bazm mein un ki main hi main hun

choT jigar par khane wala

sans ka rishta TuT raha hai

kab aaega aane wala

un ki bala se un ko kya gham

miT jae miT jaane wala

aankhon se dil mein dar aaya

wo kam-go sharmane wala

bhul kar aaya phir na udhar ko

baat bana kar jaane wala

kash 'nasir' koi mil jata

rah par us ko lane wala