ai gul-badan mera tun chaman se na ja na ja

ai gul-badan merā tuuñ chaman se na jā na jā

ruuhī fidāka ya.anī vatan se na jā na jā

tere qadam kane maiñ banāyā nain kā farsh

āḳhir ai nūr-e-dīda na.iiñ se na jā na jā

vaqt-e-naz.a hai baiTh tū dekheñ tujhe sanam

jān-e-azīz ab to badan se na jā na jā

aane tere se ġham gayā ai māya-e-surūr

ye ġharaz hai ki bait-e-huzn se na jā na jā

jaatā hai yaar chhoḌ ke 'bedil' ko be-qarār

ai aks-e-husn-e-dost tū man se na jā na jā

ai gul-badan mera tun chaman se na ja na ja

ruhi fidaka yani watan se na ja na ja

tere qadam kane main banaya nain ka farsh

aaKHir ai nur-e-dida nain se na ja na ja

waqt-e-naza hai baiTh tu dekhen tujhe sanam

jaan-e-aziz ab to badan se na ja na ja

aane tere se gham gaya ai maya-e-surur

ye gharaz hai ki bait-e-huzn se na ja na ja

jata hai yar chhoD ke 'bedil' ko be-qarar

ai aks-e-husn-e-dost tu man se na ja na ja