hairan hun ki qad tumhaare ko kya kahun

hairān huuñ ki qad tumhāre ko kyā kahūñ

tuubā kahūñ ki sarv ki naḳhl-e-vafā kahūñ

tere husn kī dekh tajallī ai rashk-e-hūr

sūraj kahūñ ki chāñd ki nūr-e-ḳhudā kahūñ

miskīn zulf tere kuuñ ai ġhairat-e-ḳhutan

mār-e-siyah kahūñ ki qaid yā kamand-e-daġhā kahūñ

abr tumhāre kuuñ jo hai ba-shakl hilāl-e-īd

mehrāb-e-sajda tā.at-e-ahl-e-safā kahūñ

tere nain-e-pur-ḳhumār kuuñ sarmast-e-bāda-nāz

yā be-ḳhudī kā jaam yā sahar-e-balā kahūñ

mizhgāñ terī kuuñ jo haiñ jo changul uqaab ke

nāvak kahūñ ki nok-e-sanān-e-jafā kahūñ

ġhamze tere kuuñ jo haiñ sitamgar ġharīb-o-kush

jallād ḳhulq jānūñ ki aafat samāñ kahūñ

ḳhāl-e-siyah tere kuuñ jo hai aks-e-dāġh-e-dil

asvad hajar ke daana murġh-e-havā kahūñ

lab-e-lāl tere se durr-e-dandāñ chamakte haiñ

maiñ is shafaq ke rañg ko parvīñ-numā kahūñ

terī galī kī ḳhaak ko 'bedil' ke vāste

ġhāliya kahūñ abiir kahūñ tūtiyā kahūñ

hairan hun ki qad tumhaare ko kya kahun

tuba kahun ki sarw ki naKHl-e-wafa kahun

tere husn ki dekh tajalli ai rashk-e-hur

suraj kahun ki chand ki nur-e-KHuda kahun

miskin zulf tere kun ai ghairat-e-KHutan

mar-e-siyah kahun ki qaid ya kamand-e-dagha kahun

abr tumhaare kun jo hai ba-shakl hilal-e-id

mehrab-e-sajda taat-e-ahl-e-safa kahun

tere nain-e-pur-KHumar kun sarmast-e-baada-naz

ya be-KHudi ka jam ya sahar-e-bala kahun

mizhgan teri kun jo hain jo changul uqab ke

nawak kahun ki nok-e-sanan-e-jafa kahun

ghamze tere kun jo hain sitamgar gharib-o-kush

jallad KHulq jaanun ki aafat saman kahun

KHal-e-siyah tere kun jo hai aks-e-dagh-e-dil

aswad hajar ke dana murgh-e-hawa kahun

lab-e-lal tere se durr-e-dandan chamakte hain

main is shafaq ke rang ko parwin-numa kahun

teri gali ki KHak ko 'bedil' ke waste

ghaaliya kahun abir kahun tutiya kahun