tere firaq mein ai sanam har rose hai haalam batar

tere firāq meñ ai sanam har rose hai hālam batar

tujh kuuñ hai lāzim dam-ba-dam baḳhshish merī ahvāl par

jab tum chalyā gulzār se ai rashk-e-ḳhūbān-e-chaman

bulbul kahā tab soz suuñ mujh par hai ab roz-e-hashar

ma.ashūq-e-be-parvāh aage garche abas hai iltijā

ushshāq ko behtar nahīñ ziiñ sheva-kār-e-digar

tasvīr kī hājat nahīñ dil ke nigāristān meñ

fāriġh hai bazm-e-ma.anavī az ġhalġhala-e-naf.a-o-zarar

farhād shīrīñ chal ga.e lailā-o-majnūñ beshtar

'bedil' kī naubat aaj hai bā-shāhid-e-shīrīñ-nazar

tere firaq mein ai sanam har rose hai haalam batar

tujh kun hai lazim dam-ba-dam baKHshish meri ahwal par

jab tum chalya gulzar se ai rashk-e-KHuban-e-chaman

bulbul kaha tab soz sun mujh par hai ab roz-e-hashar

mashuq-e-be-parwah aage garche abas hai iltija

ushshaq ko behtar nahin zin shewa-kar-e-digar

taswir ki hajat nahin dil ke nigaristan mein

farigh hai bazm-e-manawi az ghalghala-e-nafa-o-zarar

farhad shirin chal gae laila-o-majnun beshtar

'bedil' ki naubat aaj hai ba-shahid-e-shirin-nazar