tanwir-e-la-makan se takmil-e-ins-o-jaan hai

tanvīr-e-lā-makāñ se takmīl-e-ins-o-jāñ hai

ye kā.ināt 'ālam ik rāz-e-kun-fakāñ hai

vo aaga.ī qayāmat ab vaqt hī kahāñ hai

kyuuñ chheḌte ho nā-haq pur-dard dāstāñ hai

roz-e-hisāb āḳhir itnā baḌā kahāñ hai

jitnī tavīl yā-rab ye ġham kī dāstāñ hai

do din kī zindagī ko kahtā hai kaun jiinā

rāh-e-vafā meñ miTnā ye 'umr-e-jāvedāñ hai

gulshan meñ chand tinke bikhre hue mileñge

ai ham-qafas samajhnā vo merā āshiyāñ hai

har phuul kī ravish meñ har ḳhaar kī ḳhalish meñ

naqsh-e-bahār-e-rañgī dībācha-e-kHizāñ hai

hai jis ke sañg dar par kaunain sar-ba-sajda

ye kis kā āstāñ hai ye kis kā āstāñ hai

'qātil' ġhizā-e-dil hī us tiir kī ḳhalish hai

ye turfa mājrā hai mehmān mezbāñ hai

tanwir-e-la-makan se takmil-e-ins-o-jaan hai

ye kainat 'alam ek raaz-e-kun-fakan hai

wo aagai qayamat ab waqt hi kahan hai

kyun chheDte ho na-haq pur-dard dastan hai

roz-e-hisab aaKHir itna baDa kahan hai

jitni tawil ya-rab ye gham ki dastan hai

do din ki zindagi ko kahta hai kaun jina

rah-e-wafa mein miTna ye 'umr-e-jawedan hai

gulshan mein chand tinke bikhre hue milenge

ai ham-qafas samajhna wo mera aashiyan hai

har phul ki rawish mein har KHar ki KHalish mein

naqsh-e-bahaar-e-rangi dibacha-e-kHizan hai

hai jis ke sang dar par kaunain sar-ba-sajda

ye kis ka aastan hai ye kis ka aastan hai

'qatil' ghiza-e-dil hi us tir ki KHalish hai

ye turfa majra hai mehman mezban hai