qatl-e-āshiq kisī mashūq se kuchh dur na thā

qatl-e-āshiq kisī ma.ashūq se kuchh duur na thā

par tire ahd se aage to ye dastūr na thā

raat majlis meñ tire husn ke sho.ale ke huzūr

sham.a ke muñh pe jo dekhā to kahīñ nuur na thā

zikr merā hī vo kartā thā sarīhan lekin

maiñ ne pūchhā to kahā ḳhair ye mazkūr na thā

bāvajūde ki par-o-bāl na the aadam ke

vahāñ pahuñchā ki farishte kā bhī maqdūr na thā

parvarish ġham kī tire yaañ ta.iiñ to kī dekhā

koī bhī daaġh thā siine meñ ki nāsūr na thā

mohtasib aaj to mai-ḳhāne meñ tere hāthoñ

dil na thā koī ki shīshe kī tarah chuur na thā

'dard' ke milne se ai yaar burā kyuuñ maanā

us ko kuchh aur sivā diid ke manzūr na thā

qatl-e-āshiq kisī mashūq se kuchh dur na thā

par tere ahd se aage to ye dastūr na thā

raat majlis meñ tere husn ke shoale ke huzūr

shama ke muñh pe jo dekhā to kahīñ nur na thā

zikr merā hī wo kartā thā sarīhan lekin

maiñ ne pūchhā to kahā ḳhair ye mazkūr na thā

bāwajūde ki par-o-bāl na the aadam ke

wahāñ pahuñchā ki farishte kā bhī maqdūr na thā

parwarish ġham kī tere yañ taiñ to kī dekhā

koī bhī daġh thā sine meñ ki nāsūr na thā

mohtasib aaj to mai-ḳhāne meñ tere hāthoñ

dil na thā koī ki shīshe kī tarah chur na thā

'dard' ke milne se ai yar burā kyuñ manā

us ko kuchh aur siwā did ke manzūr na thā