qaza ki der hai chalne ko hum tayyar baiThe hain

qazā kī der hai chalne ko ham tayyār baiThe haiñ

garāñ-bārī-e-tan se kyā kareñ nā-chār baiThe haiñ

vo ham ko dekhte haiñ ham ko dikhlā.ī nahīñ dete

hijāb-e-be-hijābī hai sar-e-bāzār baiThe haiñ

karishma apnī chashm-e-mast kā dikhlā de ai saaqī

yahāñ ham bhī b-ummīd-e-dīdār baiThe haiñ

ḳhabar apnī nahīñ rakhte ḳhabar ġhairoñ kī kyā rakheñ

ki āshiq mā-sivā-e-yār se be-zār baiThe haiñ

qaza ki der hai chalne ko hum tayyar baiThe hain

garan-bari-e-tan se kya karen na-chaar baiThe hain

wo hum ko dekhte hain hum ko dikhlai nahin dete

hijab-e-be-hijabi hai sar-e-bazar baiThe hain

karishma apni chashm-e-mast ka dikhla de ai saqi

yahan hum bhi b-ummid-e-didar baiThe hain

KHabar apni nahin rakhte KHabar ghairon ki kya rakhen

ki aashiq ma-siwa-e-yar se be-zar baiThe hain