idhar karata hai waiz zikr ghaugha-e-qiyamat ka

idhar karatā hai vaa.iz zikr ġhauġhā-e-qiyāmat kā

udhar ham fitna-e-nāz-e-butāñ ko yaad karte haiñ

pas-e-tark-e-ta.alluq bhī ta.alluq kam nahīñ hotā

ham un kī vo hamārī dāstāñ ko yaad karte haiñ

navāzish hai karam hai hazrat-e-'afqar' kā ai 'nashtar'

jo vo mujh shā.ir-e-be-ḳhānumāñ ko yaad karte haiñ

idhar karata hai waiz zikr ghaugha-e-qiyamat ka

udhar hum fitna-e-naz-e-butan ko yaad karte hain

pas-e-tark-e-talluq bhi talluq kam nahin hota

hum un ki wo hamari dastan ko yaad karte hain

nawazish hai karam hai hazrat-e-'afqar' ka ai 'nashtar'

jo wo mujh shair-e-be-KHanuman ko yaad karte hain