ye kya kahte ho yaro mar gaya hai

ye kyā kahte ho yaaro mar gayā hai

abhī to mujh se vo mil kar gayā hai

baḌā mā'sūm-sā chehra thā us kā

jo mujh ko maar ke ḳhanjar gayā hai

koī kaise use pahchān paatā

vo barsoñ baa'd apne ghar gayā hai

falak chhūne kī andhī justujū

parinda uḌte-uḌte mar gayā hai

nadī tālāb to sūkhe paḌe haiñ

magar paanī gharoñ meñ bhar gayā hai

use yārab rah-e-raushan dikhānā

vo bhūlā shaam ko jo ghar gayā hai

ḳhudā hāfiz jo kahtā thā sabhī ko

vo kal ik hādse meñ mar gayā hai

ye kya kahte ho yaro mar gaya hai

abhi to mujh se wo mil kar gaya hai

baDa ma'sum-sa chehra tha us ka

jo mujh ko mar ke KHanjar gaya hai

koi kaise use pahchan pata

wo barson ba'd apne ghar gaya hai

falak chhune ki andhi justuju

parinda uDte-uDte mar gaya hai

nadi talab to sukhe paDe hain

magar pani gharon mein bhar gaya hai

use yarab rah-e-raushan dikhana

wo bhula sham ko jo ghar gaya hai

KHuda hafiz jo kahta tha sabhi ko

wo kal ek hadse mein mar gaya hai