rakhte hain dushmani bhi jatate hain pyar bhi

rakhte haiñ dushmanī bhī jatāte haiñ pyaar bhī

haiñ kaise ġham-gusār mire ġham-gusār bhī

afsurdagī bhī ruḳh pe hai un ke nikhār bhī

hai aaj gulsitāñ meñ ḳhizāñ bhī bahār bhī

piitā huuñ maiñ sharāb-e-mohabbat to kyā huā

piitā hai ye sharāb to parvardigār bhī

milne kī hai ḳhushī to bichhaḌne kā hai malāl

dil mutma.in bhī aap se hai be-qarār bhī

aa kar vo merī laash pe ye kah ke ro diye

tum se huā na aaj mirā intizār bhī

ai dost ba.ad-e-marg bhī maiñ huuñ shikasta-hāl

dil kī tarah se TuuTā huā hai mazār bhī

'purnam' ye sab karam hai 'qamar' kā jo āj-kal

hotā hai ahl-e-fan meñ tumhārā shumār bhī

rakhte hain dushmani bhi jatate hain pyar bhi

hain kaise gham-gusar mere gham-gusar bhi

afsurdagi bhi ruKH pe hai un ke nikhaar bhi

hai aaj gulsitan mein KHizan bhi bahaar bhi

pita hun main sharab-e-mohabbat to kya hua

pita hai ye sharab to parwardigar bhi

milne ki hai KHushi to bichhaDne ka hai malal

dil mutmain bhi aap se hai be-qarar bhi

aa kar wo meri lash pe ye kah ke ro diye

tum se hua na aaj mera intizar bhi

ai dost baad-e-marg bhi main hun shikasta-haal

dil ki tarah se TuTa hua hai mazar bhi

'purnam' ye sab karam hai 'qamar' ka jo aaj-kal

hota hai ahl-e-fan mein tumhaara shumar bhi