karam se aap ke KHairul-bashar kabhi na kabhi

karam se aap ke ḳhairul-bashar kabhī na kabhī

bulandiyoñ kā karūñgā safar kabhī na kabhī

nasīm-e-sahar mire vāste bhī lā.egī

madīne paak se koī ḳhabar kabhī na kabhī

ba-rū-e-kār mirī kāvisheñ agar aa.eñ

zarūr jā.ūñgā taiba nagar kabhī na kabhī

janāb-e-āmna biibī ke laal chāheñ to

shab-e-firāq kī hogī sahar kabhī na kabhī

vasīla aap kā lā.egā merā īmāñ hai

mirī har ek du'ā meñ asar kabhī na kabhī

jhukā ke palkeñ ziyārat karūñgā jī bhar kar

nabī kā aa.egā rauza nazar kabhī na kabhī

maiñ pur ummīd huuñ aaqā ne chāhā to 'nāzāñ'

banegā taiba meñ apnā bhī ghar kabhī na kabhī

karam se aap ke KHairul-bashar kabhi na kabhi

bulandiyon ka karunga safar kabhi na kabhi

nasim-e-sahar mere waste bhi laegi

madine pak se koi KHabar kabhi na kabhi

ba-ru-e-kar meri kawishen agar aaen

zarur jaunga taiba nagar kabhi na kabhi

janab-e-amna bibi ke lal chahen to

shab-e-firaq ki hogi sahar kabhi na kabhi

wasila aap ka laega mera iman hai

meri har ek du'a mein asar kabhi na kabhi

jhuka ke palken ziyarat karunga ji bhar kar

nabi ka aaega rauza nazar kabhi na kabhi

main pur ummid hun aaqa ne chaha to 'nazan'

banega taiba mein apna bhi ghar kabhi na kabhi