sar se ranj-o-alam utarti hai

sar se rañj-o-alam utārtī hai

zindagānī vo mujh pe vārtī hai

ham ḳhudā ko hī bhuul jaate haiñ

jab amīrī qadam pasārtī hai

aap ke pā-e-nāz rakhne se

har ḳhushī ghar mirā nihārtī hai

chhoḌ de jiine kī tamannā ab

maut terī tujhe pukārtī hai

baat aisī 'amal meñ paidā kar

dil kī duniyā ko jo sañvārtī hai

zinda rahnā huā hai ab mushkil

be-ruḳhī aap kī yuuñ mārtī hai

duur huuñ apne ghar se maiñ 'nāzāñ'

maañ kī mamtā mujhe pukārtī hai

sar se ranj-o-alam utarti hai

zindagani wo mujh pe warti hai

hum KHuda ko hi bhul jate hain

jab amiri qadam pasarti hai

aap ke pa-e-naz rakhne se

har KHushi ghar mera nihaarti hai

chhoD de jine ki tamanna ab

maut teri tujhe pukarti hai

baat aisi 'amal mein paida kar

dil ki duniya ko jo sanwarti hai

zinda rahna hua hai ab mushkil

be-ruKHi aap ki yun marti hai

dur hun apne ghar se main 'nazan'

man ki mamta mujhe pukarti hai