safā almās o gauhar se fuzūñ hai tere dandāñ kī

safā almās o gauhar se fuzūñ hai tere dandāñ kī

kahāñ tujh lab ke aage qadr-o-qīmat la.al-o-marjāñ kī

ajab kī sāhirī us man-haran ke chashm-e-fattāñ ne

diyā kājal siyāhī le ke āñkhoñ se ġhazālāñ kī

tujhe ai lāla-rū vo husn-e-rañgīñ hai ki gul-rūyāñ

abīrī pairahan karte haiñ terī gard-e-dāmāñ kī

abas mal mal ke dhotā hai tū apne dast-e-nāzuk ko

nahīñ jaane kī surḳhī haath se ḳhūn-e-shahīdāñ kī

bahār aa.ī chaman meñ gul khile ai bāġhbāñ shāyad

junūñ ne dhajjiyāñ gar jo uḌā.īñ phir garebāñ kī

qad-e-mauzūñ to shamshād-o-sanobar rakhte haiñ lekin

kahāñ pāveñ laTak kī chaal us sarv-e-ḳhirāmāñ kī

na dekhī aañkh uThā bad-halī-e-āshuftagāñ zālim

banātā hī rahā tū ḳhush-ḳhamī zulf-e-pareshāñ kī

barhana-pā junūñ āvāra kaun is dasht se guzrā

ki rañgīñ ḳhuuñ se hai yaañ nok har ḳhār-e-muġhīlāñ kī

rakho mat chashm-e-ḳhvāb ai dosto 'bedār' se hargiz

koī detī hai sone yaad us rū-e-daraḳhshāñ kī

safā almās o gauhar se fuzūñ hai tere dandāñ kī

kahāñ tujh lab ke aage qadr-o-qīmat lal-o-marjāñ kī

ajab kī sāhirī us man-haran ke chashm-e-fattāñ ne

diyā kājal siyāhī le ke āñkhoñ se ġhazālāñ kī

tujhe ai lāla-rū wo husn-e-rañgīñ hai ki gul-rūyāñ

abīrī pairahan karte haiñ terī gard-e-dāmāñ kī

abas mal mal ke dhotā hai tū apne dast-e-nāzuk ko

nahīñ jaane kī surḳhī hath se ḳhūn-e-shahīdāñ kī

bahār aaī chaman meñ gul khile ai bāġhbāñ shāyad

junūñ ne dhajjiyāñ gar jo uḌāīñ phir garebāñ kī

qad-e-mauzūñ to shamshād-o-sanobar rakhte haiñ lekin

kahāñ pāweñ laTak kī chaal us sarw-e-ḳhirāmāñ kī

na dekhī aañkh uThā bad-halī-e-āshuftagāñ zālim

banātā hī rahā tū ḳhush-ḳhamī zulf-e-pareshāñ kī

barhana-pā junūñ āwāra kaun is dasht se guzrā

ki rañgīñ ḳhuñ se hai yañ nok har ḳhār-e-muġhīlāñ kī

rakho mat chashm-e-ḳhwāb ai dosto 'bedār' se hargiz

koī detī hai sone yaad us rū-e-daraḳhshāñ kī