main talKHi-e-hayat se ghabra ke pi gaya
maiñ talḳhī-e-hayāt se ghabrā ke pī gayā
ġham kī siyāh raat se ghabrā ke pī gayā
itnī daqīq shai koī kaise samajh sake
yazdāñ ke vāqi’āt se ghabrā ke pī gayā
chhalke hue the jaam pareshāñ thī zulf-e-yār
kuchh aise hādisāt se ghabrā ke pī gayā
maiñ aadmī huuñ koī farishta nahīñ huzūr
maiñ aaj apnī zaat se ghabrā ke pī gayā
duniyā-e-hādsāt hai ik dardnāk giit
duniyā-e-hādsāt se ghabrā ke pī gayā
kāñTe to ḳhair kāñTe haiñ un se gila hī kyā
phūloñ kī vārdāt se ghabrā ke pī gayā
'sāġhar' vo kah rahe the pī lījiye huzūr
unkī guzārishāt se ghabrā ke pī gayā
main talKHi-e-hayat se ghabra ke pi gaya
gham ki siyah raat se ghabra ke pi gaya
itni daqiq shai koi kaise samajh sake
yazdan ke waqi’at se ghabra ke pi gaya
chhalke hue the jam pareshan thi zulf-e-yar
kuchh aise hadisat se ghabra ke pi gaya
main aadmi hun koi farishta nahin huzur
main aaj apni zat se ghabra ke pi gaya
duniya-e-hadsat hai ek dardnak git
duniya-e-hadsat se ghabra ke pi gaya
kanTe to KHair kanTe hain un se gila hi kya
phulon ki wardat se ghabra ke pi gaya
'saghar' wo kah rahe the pi lijiye huzur
unki guzarishat se ghabra ke pi gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.